🎁 Mutolaa’da yangiliklar!

Yoshlar ishlari agentligi tomonidan 21-oktyabr – O‘zbek tili bayramikuni munosabati bilan “O‘zbek tili uchun” nomli yirik madaniy-ma’rifiy tadbir tashkil etildi. Ushbu tadbirning asosiy maqsadi – davlat tilining jamiyatdagi nufuzini yanada oshirish, yoshlar ongida ona tiliga mehr va hurmat tuyg‘usini mustahkamlash, yosh avlodni zamonaviy tafakkurga ega barkamol shaxslar sifatida tarbiyalashga e’tibor qaratishdan iborat.  Shu jumladan, “Mutolaa” loyihasi ham o’z taqdimotini o’tkazdi va loyihaga oid bir qator yangiliklarni e’lon qildi. 

“Mutolaa” loyihasi o‘qish madaniyatini qayta tiklab, so‘zning, fikrning va o‘zbek tilining qudratini yoshlar qalbida uyg‘otuvchi harakatga aylandi. Kitob mutolaasi orqali o‘zbek tilining boy ifoda imkoniyatlarini namoyon etgan loyiha, aslida, tilni yashovchan va zamon bilan hamnafas saqlab turuvchi kuch ekanini yana bir bor isbotladi.

Tadbir davomida "Mutolaa" loyihasining tashkilotchilari loyihaga oid bir qator yangiliklarni e'lon qildilar, jumladan:

Birinchi yangilik: Kitobxonlarning eng katta hamjamiyati tashkil etiladi!

Endi Mutolaa’da nafaqat kitob o’qish, balki, kitobxonlar o’zari fikr almashishi, ijodkorlar bilan suhbat qurishi mumkin bo’ladi. Ilk kitbxonlar ijtimoiy tarmog’i yaratilmoqda! 

Ikkinchi yangilik: Mutolaa market - yangi kitob bozori ishga tushdi!

“Mutolaa” hozirda 10 dan ortiq nashriyot bilan hamkorlikni yo’lga qo’ygan. Mutolaa Market’da oyiga minglab elektron kitoblar sotilmoqda, bu esa nashriyotlar uchun qo‘shimcha daromad manbayi bo’lib kelmoqda. 

Uchinchi yangilik: Mutolaa’da sun’iy idrok bilan kitobxonlik yangi bosqichga chiqdi! 

Endi ilova foydalanuvchilari o’z sevgan kitobini sun’iy idrok bilan muhokama qilishi, savollariga tezkor javob topishi va kitoblar mazmunini chuqurroq anglab olishlari mumkin. AI suhbatdosh sizning xizmatingizda!

To'rtinchi yangilik: Cheksiz kitobxonlik tanlovlarini tashkil etish imkoniyati ishga tushmoqda! 

“Mutolaa” kitobxonlik tanlovlarini tashkil qilish va ommalashtirish imkonini barchaga berishga tayyor.  Endi ilovada foydalanuvchilar, bloggerlar va tashkilotlar oʻz kitobxonlik tanlovlarini tashkil qilishlari mumkin.

“Mutolaa” oʻzbek tilidagi eng katta elektron kitoblar manbasiga aylanmoqda!

Loyiha doirasida bir yarim yil ichida 220 000 sahifa sifatli elektron kitob, 6000 soat sifatli audiokitob yaratildi.

Ilovada 3 mln dan ortiq foydalanuvchi oʻzbek va jahon adabiyotining 3000 dan ziyod shoh asarlarini 10 000 000 martadan koʻproq mutolaa qildi!

Bayram tadbiridagi taqdimotni to'liq formatda YouTube sahifada tomosha qilishingiz mumkin: havola.