OMMAVIY OFERTA

Ommaviy oferta (keyingi oʻrinlarda “Oferta” deb yuritiladi) Oʻzbekiston Respublikasi Fuqarolik kodeksining 369-moddasi 2-qismiga muvofiq, “MUTOLAAXONA” MCHJning (keyingi oʻrinlarda Jamiyat) ushbu Oferta doirasida “MUTOLAAXONA” MCHJ xizmatidan foydalanish niyatida boʻlgan cheklanmagan miqdordagi jismoniy shaxslarga (internet tarmogʻi foydalanuvchilariga) qaratilgan rasmiy taklifi hisoblanadi.

Oferta Jamiyat xizmatlaridan foydalanish shartlarini oʻz ichiga oladi va ularni aniq belgilaydi. Mazkur Ofertada koʻrsatilgan harakatlarning bajarilishi jismoniy shaxsning Jamiyat xizmatidan ushbu Ofertada belgilangan shartlarda, tartibda va hajmda foydalanishga roziligini tasdiqlaydi va Ofertaning barcha shartlarini eʼtirozsiz qabul qilganini anglatadi.

Oʻzbekiston Respublikasi Fuqarolik kodeksining 370-moddasiga muvofiq, Jamiyat xizmatidan foydalanish niyatida boʻlgan jismoniy shaxs tomonidan quyidagi harakatlarning bajarilishi uning Oferta shartlarini toʻliq va eʼtirozsiz qabul qilganini bildiradi:

Oferta shartlariga rozilikni tasdiqlash;
saytda yoki mobil ilovalarda roʻyxatdan oʻtish;
oldindan toʻlov qilish;
Oferta shartlari boʻyicha har qanday asardan va/yoki Jamiyatning istalgan xizmatidan foydalanishni boshlash.

Yuqoridagi harakatlardan birini amalga oshirish jismoniy shaxsning shaxsiy maʼlumotlarni qayta ishlash shartlarini qabul qilishini ham anglatadi.

I. ATAMALAR TAʼRIFI

1.1. Ushbu Ofertada ishlatilgan atamalar quyidagi maʼnolarni anglatadi:

Oferta – cheklanmagan miqdordagi jismoniy shaxslarga (internet tarmogʻi foydalanuvchilariga) qaratilgan, Jamiyatning Ofertada koʻrsatilgan shartlarda xizmatlar koʻrsatish niyatini bildiruvchi taklif.
Qabul qilish (aksept) – Oferta yuborilgan shaxsning uni qabul qilish toʻgʻrisidagi javobi (roziligi).
Jamiyat – 20__ yil ___dagi №___ roʻyxatga olish guvohnomasi asosida faoliyat yurituvchi “MUTOLAAXONA” masʼuliyati cheklangan jamiyati.
Foydalanuvchi – Oferta shartlarini qabul qilgan va/yoki Jamiyatning saytida roʻyxatdan oʻtgan va/yoki asarlarni yuklab olish uchun toʻlov qilgan va/yoki asarni yuklab olgan va/yoki Jamiyatning saytdagi va/yoki mobil ilovalardagi har qanday xizmatidan foydalanishni boshlagan jismoniy shaxs.
Asar (kontent) – internetda elektron shaklda turli formatlarda taqdim etilgan, Foydalanuvchilar Jamiyat sayti va/yoki mobil ilovalari orqali foydalanishi mumkin boʻlgan adabiy asarlarning (jumladan, muqovalar, illyustratsiyalar va boshqalar) matnlari yoki audioyozuvlari (fonogrammalar). Sayt va mobil ilovalar uchun barcha huquqlar Jamiyatga tegishli.
Katalog – asarlar jamlanmasi.
Sayt – Jamiyatga tegishli boʻlgan va Jamiyat tomonidan boshqariladigan, mutolaa.uz domenida va uning mutolaa.com domendagi barcha kichik domenlarida joylashgan internet tarmogʻidagi axborot resursi.
Mobil ilovalar:
– iOS platformasi uchun MUTOLAAXONA mobil ilovalari;
– Android platformasi uchun MUTOLAAXONA mobil ilovalari;
– Windows 10 platformasi uchun MUTOLAAXONA mobil ilovalari;
– Windows 8 va Windows RT platformasi uchun MUTOLAAXONA mobil ilovalari.
Yuklash – Foydalanuvchining oʻz kompyuteri, smartfoni yoki boshqa qurilmasiga asarlarni yozib olishi (nusxalashi).
Billing – toʻlovlar hisobi tizimi.
Foydalanuvchi hisobi – Foydalanuvchining Jamiyat serverlarida saqlanadigan autentifikatsion va shaxsiy maʼlumotlari.
Login va parol – Foydalanuvchiga kontentga kirish imkonini beradigan, Foydalanuvchini identifikatsiya qiluvchi noyob belgilar toʻplami.
Obuna – oldindan toʻlov qilingandan soʻng brauzer yoki mobil ilova orqali shaxsiy maqsadlarda foydalanish uchun asarga kirish huquqini berish.
Premium obuna – ma’lum bir pul evaziga shaxsiy hisob raqamni toldirish orqali bir, uch, olti va oʻn ikki oylik davr mobaynida yangi funksiyalardan foydalanish huquqi.
Tomonlar – Jamiyat va Foydalanuvchi.

II. UMUMIY QOIDALAR

2.1. Foydalanuvchi tomonidan Jamiyat sayti va mobil ilovalarida maʼlumotlarning taqdim etilishi, shuningdek, qandaydir harakatning amalga oshirilishi Foydalanuvchining ushbu Ofertaga va unda koʻrsatilgan maʼlumotlarni qayta ishlash shartlariga soʻzsiz roziligini anglatadi. Ushbu shartlarga rozi boʻlmagan taqdirda, Foydalanuvchi maʼlumot taqdim etishdan va har qanday harakatni amalga oshirishdan voz kechishi kerak.

2.2. Jamiyat Foydalanuvchini ogohlantirmasdan turib Ofertaga oʻzgartirishlar kiritish huquqiga ega. Amaldagi Ofertaga oʻzgartirishlar kiritilgan taqdirda, oʻzgartirishlar Jamiyat sayti va mobil ilovalarida rasman eʼlon qilingan kundan boshlab 10 (oʻn) kalendar kuni oʻtgandan keyin kuchga kiradi.

2.3. Agar sayt yoki mobil ilovada boshqacha qoida koʻrsatilmagan boʻlsa, Ofertaning amal qilish muddati cheklanmagan.

2.4. Sayt yoki mobil ilovada maʼlumot taqdim etish va ulardan foydalanish, shuningdek, unda bitimlarni amalga oshirish ixtiyoriydir.

2.5. Sayt yoki mobil ilovada berilgan maʼlumotlar Jamiyat tomonidan faqat ushbu Oferta maqsadlarida foydalaniladi.

2.6. Jamiyat sayti va/yoki mobil ilovasidagi, jumladan, axborot matnlaridagi havolalar orqali Foydalanuvchi kirishi mumkin boʻlgan uchinchi tomon saytlarini Jamiyat nazorat qilmaydi va ular uchun javobgarlikni zimmasiga olmaydi.

2.7. Jamiyat Foydalanuvchi taqdim etgan maʼlumotlarning toʻgʻriligini tekshirmaydi. Jamiyat Foydalanuvchi ishonchli va yetarli maʼlumot beradi deb hisoblaydi.

2.8. Ushbu Ofertaning barcha ilovalari uning ajralmas qismi hisoblanadi.

2.9. Maʼlumotni taqdim etishda Foydalanuvchi maʼlumotlar xavfsizligini taʼminlash uchun barcha saʼy-harakatlarni amalga oshirishi va quyidagi qoidalarga rioya qilishi shart:

ruxsatsiz tijorat xabarlari yuborilmaydi;
noqonuniy tarmoq marketingi bilan shugʻullanmaydi;
viruslar yoki boshqa zararli kodlarni yuklamaydi;
boshqa foydalanuvchilarning login va parollarini olishga urinmaydi;
boshqa foydalanuvchilarga tahdid qilmaydi, ularni qoʻrqitmaydi yoki bezovta qilmaydi;
dushmanchilik ruhidagi fikrlar, tahdidlar, pornografiya, zoʻravonlik sahnalari mavjud yoki qabul qilish yoqimsiz boʻlgan materiallarni yubormaydi;
Jamiyatning sayti va/yoki mobil ilovalaridan noqonuniy, chalgʻituvchi, zararli yoki kamsituvchi harakatlar qilish uchun foydalanmaydi;
yolgʻon axborot joylashtirmaydi yoki tegishli ruxsatsiz boshqa shaxs nomidan maʼlumotlar yubormaydi;
kimningdir huquqlarini cheklaydigan yoki buzadigan materiallarni joylashtirmaydi;
mualliflik huquqi va turdosh huquqlarga rioya qiladi;
Oʻzbekiston Respublikasining qonun hujjatlarini buzadigan harakat qilmaydi va bunday maʼlumot joylashtirmaydi.

2.10. Agar Foydalanuvchi ushbu Ofertaning 2.9-band shartlarini buzsa, oqibatlar uchun Foydalanuvchining oʻzi javobgar boʻladi.

III. OFERTA PREDMETI

3.1. Jamiyat Oferta shartlari boʻyicha Foydalanuvchiga quyidagi imkoniyatlarni taqdim etadi:

katalogda keltirilgan asarlardan shaxsiy maqsadlarda foydalanish;
foydalanuvchi kontentini (asarlarni) Jamiyatning sayti va/yoki mobil ilovalarida saqlash va/yoki yuklash;
Oferta va/yoki uning ilovalari shartlari boʻyicha boshqa xizmatlar.

3.2. Foydalanuvchi oʻzining shaxsiy kabineti va hisobidan doim hech qanday uchinchi shaxsni aralashtirmasdan, mustaqil ravishda va yakka tartibda foydalanishini tasdiqlaydi va kafolatlaydi. Agar maʼlum bir Foydalanuvchi ushbu majburiyatni buzyapti deb hisoblash uchun asoslari boʻlsa, Jamiyat oʻz xohishiga koʻra bunday Foydalanuvchiga nisbatan ushbu Oferta faoliyatini toʻxtatib turish/bekor qilish huquqiga ega.

3.3. Jamiyat saytlari va/yoki mobil ilovalariga joylashtirilgan, katalogdan foydalanish tartibi, asarlar uchun haq toʻlash va Ofertani bajarishning boshqa xususiyatlari toʻgʻrisidagi barcha maʼlumotlar Foydalanuvchi tomonidan bajarilishi majburiydir.

3.4. Foydalanuvchi har qanday savol boʻyicha Jamiyatga info@mutolaa.com elektron pochta orqali murojaat qilish huquqiga ega.

IV. TOMONLARNING MAJBURIYATLARI

4.1. Jamiyatning huquqlari:

vaqti-vaqti bilan Ofertaga va/yoki uning ilovalariga oʻzgartirishlar va/yoki qoʻshimchalar kiritish. Bunday oʻzgartirishlar va/yoki qoʻshimchalar Jamiyatning saytiga va/yoki mobil ilovasiga joylashtirilgan paytdan boshlab kuchga kiradi va Tomonlar uchun majburiy boʻladi;
agar maʼlum bir Foydalanuvchi ushbu majburiyatni buzyapti deb hisoblash uchun asoslari boʻlsa, Jamiyat oʻz xohishiga koʻra bunday Foydalanuvchiga nisbatan ushbu Oferta faoliyatini toʻxtatib turish/bekor qilish huquqiga ega.

4.2. Jamiyatning majburiyatlari:

Toʻlov qilinganligi va/yoki Foydalanuvchining toʻlovchi va/yoki asarni olish huquqiga ega shaxs sifatida identifikatsiya qilinganligi tasdiqlangan paytdan boshlab 24 (yigirma toʻrt) soatdan kechiktirmay Foydalanuvchiga Ofertaga muvofiq yuklab olish va/yoki foydalanish uchun asarlarni taqdim etish;
login va parolni, foydalanuvchining elektron pochta manzilini, shuningdek, roʻyxatdan oʻtish vaqtida foydalanuvchidan olingan boshqa maʼlumotlarni uchinchi shaxslarga oshkor qilmaslik;
Foydalanuvchiga Xaridor tomonidan toʻlangan asarlarning nusxalarini Jamiyat serverlarida saqlash imkoniyatini berish.

4.3. Foydalanuvchining huquqlari:

Jamiyat saytida roʻyxatdan oʻtish, ishonchliligi Jamiyat tomonidan tasdiqlangan login va parolni oʻrnatish. Foydalanuvchi toʻlov qilgandan soʻng va/yoki asarlardan va/yoki Jamiyatning istalgan xizmatidan foydalanishni boshlaganda avtomatik roʻyxatdan oʻtishi, tizim tomonidan yaratilgan login va parolni olishi va ularni xavfsiz joyda saqlashi mumkin;
tanlangan asarlarni foydalanuvchining oʻzi ushbu asarlar uchun haq toʻlashi va/yoki boshqa foydalanuvchi tomonidan ushbu Foydalanuvchi foydasiga toʻlanishi sharti bilan va/yoki Jamiyat tomonidan taklif qilingan boshqa shartlarda qabul qilish;
yuklab olish, asar matni (audioyozuv) bilan tanishish, ham toʻliq, ham alohida parchalarni oʻqish (tinglash) va hk.;
asarlarning nusxalarini oʻziga tegishli boʻlgan har qanday shaxsiy qurilmaga joylashtirish;
asar matnlari (audioyozuvlari) bor yuklangan fayllarni oʻziga qulay boʻlgan istalgan formatga oʻzgartirish (agar foydalanuvchi asarlarni oʻqishi yoki tinglashi uchun shunday oʻzgartirish talab qilinsa);
Jamiyatning sayti va mobil ilovalaridagi hisobini va oʻziga tegishli shaxsiy maʼlumotlarni oʻchirish. Ushbu huquqdan foydalanish uchun info@mutolaa.com elektron pochta yoki Ofertada koʻrsatilgan boshqa kontaktlar orqali tegishli soʻrov yuborishingiz kerak.

4.4. Foydalanuvchining majburiyatlari:

Jamiyat saytida va/yoki mobil ilovasida joylashtirilgan roʻyxatdan oʻtish tartibi boʻyicha Jamiyat koʻrsatmalariga soʻzsiz va qatʼiy rioya qilish;
ushbu Oferta shartlariga muvofiq toʻlovlarni amalga oshirish va obunani avtomatik ravishda yangilash uchun mablagʻlarning hisobdan avtomatik yechib olinishini mustaqil nazorat qilish;
roʻyxatdan oʻtish paytida taqdim etilgan login, parol va boshqa maxfiy maʼlumotlarning maxfiyligini taʼminlash.

4.5. Foydalanuvchiga quyidagilar taqiqlanadi:

asarlarni toʻliq yoki qisman uchinchi shaxslarga joʻnatish yoki tarqatish;
radio, televideniye kabi taniqli eshittirish kanallari orqali asarlarni ommaga yetkazish;
keyinchalik tarqatish maqsadida asarlarni qayta ishlash, yaʼni asarlarning yoki qismlarining istalgan moddiy shakldagi nusxalarini yaratish;
internet va boshqa raqamli tarmoqlardan foydalangan holda, jumladan, asarlarni har qanday saytlarda, mobil ilovalarda va boshqa manbalarda joylashtirish orqali ommaga taqdim etish;
asar matnlarini (audioyozuvlarni) oʻzgartirish yoki boshqacha tarzda qayta ishlash;
intellektual huquqlarni himoya qilish toʻgʻrisidagi qonun hujjatlarini buzadigan, asarlardan foydalanishga doir ayrim harakatlarni amalga oshirish;
DRMni (asarlardan ruxsatsiz foydalanishdan himoya qilishning texnik vositalari) buzib kirish yoki Ofertada aniq koʻrsatilgan usullardan tashqari boshqa har qanday usulda asarlardan foydalanish (foydalanishga urinish);
Jamiyatning sayti, mobil ilovalari va/yoki dasturiy taʼminoti tizimiga kirish, aralashish kabilarga qaratilgan yoki baʼzi uzilishlar va nosozliklarni yuzaga keltiruvchi yoki sayt va mobil ilovalarning normal ishlashiga toʻsiq boʻluvchi yoki boshqa usullar orqali Jamiyatga va/yoki uchinchi shaxslarga zarar yetkazadigan har qanday harakatni amalga oshirish (amalga oshirishga urinish).

V. TOʻLOV SHARTLARI VA PREMIUM OBUNA

5.1. Jamiyat xizmatlaridan foydalanish uchun Foydalanuvchi Jamiyat saytida koʻrsatilgan shartlar asosida soʻmda oldindan toʻlovni amalga oshiradi.

5.2. Har bir asarning narxi toʻlov qilingandan soʻng Foydalanuvchi yuklab olishi uchun moʻljallangan bunday asarning nusxasini Jamiyat serverlarida saqlash imkoniyatini Foydalanuvchiga taqdim etish boʻyicha Jamiyat xizmatlarining narxini ham oʻz ichiga oladi.

5.3. Jamiyat tegishli maʼlumotlarni oʻzining saytida va/yoki mobil ilovalarida joylashtirish orqali amaldagi narxlarni bir tomonlama oʻzgartirish huquqiga ega. Har qanday narx oʻzgarishi puli toʻlab boʻlingan asarlarga taalluqli emas.

5.4. Imkoniyat boʻlsa, Foydalanuvchi bank kartasini oʻz hisobiga bogʻlash huquqiga ega.

5.5. Foydalanuvchi oʻzi koʻrsatgan uchinchi shaxs (benefitsiar) foydasiga asarlar uchun toʻlovlarni amalga oshirish huquqiga ega. Bunday holatda agar benefitsiar oʻz huquqidan foydalansa va ushbu Foydalanuvchi tomonidan toʻlangan asarlarni sotib olsa, u (benefitsiar) ushbu Oferta shartlarini toʻliq qabul qilgan Foydalanuvchiga aylanadi, bu benefitsiaring foydasiga toʻlov qilgan Foydalanuvchi esa mazkur puli toʻlangan asarlardan foydalanish huquqlaridan mahrum boʻladi.

5.6. Premium obuna sotib olish uchun to’lovlar shaxsiy hisob raqamni toldirish orqali amalga oshiriladi. Foydalanuvchi hisob raqamni to’ldirgandan so’ng o’z ixtiyoriga ko’ra obuna muddatini (1 oylik, 3 oylik, 6 oylik, 1 yillik) belgilab xaridni amalga oshiradi.

5.7. Premium obunani sotib olish maqsadida shaxsiy hisobga o’tkazilgan ammo xariddan so’ng ortib qolgan mablag’lar faqat premium xarid qilishga sarflanishi mumkin. Ortib qolgan mablag’lar qaytarib foydalanuvchining plastik kartasiga o‘tkazib berilmaydi.

5.8. Toʻlovdan oldin foydalanuvchi toʻlov vositasini tanlashda pul mablagʻlarining avtomatik yechib olinishi va uni bekor qilish imkoniyati haqida ogohlantiriladi. Obuna uchun toʻlovni amalga oshirish orqali Foydalanuvchi obuna muddatini avtomatik uzaytirish shartlarini qabul qiladi. Bunda Jamiyat Foydalanuvchiga keyingi davr uchun kelgusida pul yechib olinishi toʻgʻrisida bildirishnomalar yuborishga majbur emas. Foydalanuvchi istalgan vaqtda Jamiyat saytidagi Foydalanuvchining shaxsiy kabineti sozlamalarida pul mablagʻlarini avtomatik yechib olishni bekor qilishi mumkin.

5.9. Foydalanuvchi toʻlovlarni qayta ishlash va moliyaviy tranzaksiyalarni amalga oshirish uchun toʻlov operatorlari oʻrtasida toʻlov maʼlumotlarini uzatishga rozilik bildiradi.

VI. TOMONLARNING JAVOBGARLIGI

6.1. Foydalanuvchi asar va katalogdan foydalanish bilan bogʻliq toʻliq javobgarlik va xavflarni oʻz zimmasiga oladi.

6.2. Foydalanuvchi quyidagilar uchun toʻliq javobgar:

uchinchi shaxslar tomonidan login va parolning ishlatilishi;
roʻyxatdan oʻtish paytida foydalanuvchi tomonidan koʻrsatilgan elektron pochta manziliga Jamiyat yuborgan maʼlumotlardan uchinchi shaxslarning foydalanishi;
har qanday qonun buzilishi.

6.3. Jamiyat quyidagilar uchun javobgarlikni zimmasiga olmaydi:

Foydalanuvchining har qanday xarajati yoki asar va/yoki katalogdan foydalanish natijasida Foydalanuvchiga yetkazilishi mumkin boʻlgan bevosita yoki bilvosita zarar;
internet orqali katalogga kirish sifati;
uchinchi shaxslar tomonidan login va parolning ishlatilishi;
maʼlumotlarni uzatishdagi xatoliklar, dasturiy taʼminot va/yoki uskuna faoliyatidagi nosozliklar/nuqsonlar, maʼlumotlarning yoʻqolishi va zararlanishi, maʼlumotlarni qayta ishlash yoki koʻrsatishdagi xatoliklar, maʼlumotlarni uzatishdagi kechikishlar va Jamiyatning aybisiz yuzaga kelgan boshqa nosozliklar natijasida foydalanuvchi tomonidan keltirilgan bevosita yoki bilvosita zarar.
Foydalanuvchining biron-bir sababga koʻra (jumladan: xatoliklar, kamchiliklar, uzilishlar, oʻchirish, nuqsonlar, maʼlumotlarni qayta ishlash yoki uzatishdagi kechikishlar, aloqa liniyalari faoliyati uzilishi, uskunaning notoʻgʻri ishlashi, telefon tarmoqlari yoki xizmatlari, kompyuter tizimlari, serverlari yoki provayderlari, kompyuter yoki telefon uskunalari, dasturiy taʼminotning har qanday texnik nosozligi yoki boshqa muammolari, maʼlum xizmatlarni yetkazib beruvchilarning oʻz majburiyatlarini bajarmasligi, oʻgʻrilik, yoʻq qilish yoki saytdagi yoki boshqa joydagi Foydalanuvchi materiallariga ruxsatsiz kirish) sayt, mobil ilovalar va/yoki tegishli xizmatlardan foydalana olmasligi.
Foydalanuvchining har qanday xarajati yoki bevosita yoki bilvosita zarar, jumladan, yoʻqotilgan foyda yoki yoʻqolgan maʼlumotlar, sayt, mobil ilovalar va/yoki tegishli xizmatlardan foydalanish natijasida Foydalanuvchining shaʼni, qadr-qimmati yoki kasbiy obroʻsiga yetkazilishi mumkin boʻlgan zarar.

6.4. Jamiyat sayti, mobil ilovalari va barcha tegishli xizmatlar qanday boʻlsa shundayligicha, koʻrsatilgan sayt, mobil ilovalar va/yoki xizmatlar foydalanishning aniq maqsadlariga mos kelishi yoki kelmasligiga hech qanday bevosita yoki bilvosita kafolatlarsiz taqdim etiladi.

6.5. Agar Foydalanuvchiga u yoki bu sabablarga koʻra sotib olgan tegishli sifatdagi asarining mazmuni, dizayni, adabiy-badiiy qiymati va shu kabilar yoqmasa, yaʼni Foydalanuvchi bunday asarni oʻz qurilmasiga yuklab olishda va/yoki oʻz qurilmasida bunday asarni koʻrish/oʻqish/tinglashda texnik qiyinchiliklarga duch kelmasa, ushbu qurilma texnik jihatdan soz va oʻz parametrlariga muvofiq boʻlsa, Jamiyat Foydalanuvchi oldida javobgar boʻlmaydi.

6.6. Agar toʻlov qilgan (jumladan, obuna uchun) va katalogga kirish huquqiga ega boʻlgan Foydalanuvchi berilgan muddat davomida ruxsatdan foydalanmagan boʻlsa, shuningdek, obunani avtomatik ravishda uzaytirish uchun pul mablagʻlarini hisobdan avtomatik yechib olish funksiyasini oʻchirmagan boʻlsa, Jamiyat javobgar boʻlmaydi.

6.7. Qonun talablariga, shu jumladan, intellektual huquqlarni, kompyuter axboroti va boshqalarni himoya qilish qoidalariga rioya qilmaslik qonun hujjatlariga muvofiq (fuqaroviy, maʼmuriy va jinoiy) javobgarlikka sabab boʻladi.

VII. OFERTANING AMAL QILISH MUDDATI

7.1. Oferta Foydalanuvchi tomonidan qabul qilingan paytdan boshlab kuchga kiradi va Tomonlar oʻz majburiyatlarini toʻliq bajarguncha va/yoki uni toʻxtatguncha/vaqtincha toʻxtatib turguncha/bekor qilguncha amal qiladi.

7.2. Oferta shartlariga qandaydir oʻzgartirishlar kiritishga doir qoʻshimcha kelishuvlar va ilovalar Jamiyatning saytiga va/yoki mobil ilovalariga joylashtirilgan kundan boshlab kuchga kiradi.

7.3. Nom yoki rekvizitlar oʻzgartirilgan taqdirda, Tomonlar oʻzgarishlar kiritilgan kundan boshlab 3 (uch) ish kunidan kechiktirmay bir-birini xabardor qilish majburiyatini oladi.

7.4. Tomonlar oʻrtasidagi har qanday bildirishnoma va har qanday oʻzaro hujjat shaxsan yoki roʻyxatdan oʻtgan pochta, faks yoki tegishli tomonning manziliga yoʻnaltirilgan elektron pochta orqali yuborilishi mumkin.

VIII. YENGIB BOʻLMAYDIGAN KUCHLAR HOLATLARI

8.1. Agar yengib boʻlmaydigan kuchlar holatlari tufayli Tomonlardan biri ushbu Oferta boʻyicha oʻz majburiyatlarini toʻliq yoki qisman bajara olmasa, javobgarlikdan ozod qilinadi.

8.2. Yengib boʻlmaydigan kuchlar holatlari (fors-major) – Tomonlar oldindan koʻra olmaydigan yoki oʻzida mavjud boʻlgan vositalar yordamida oldini ololmaydigan favqulodda hodisalar yoki holatlar. Bunday favqulodda hodisalar yoki holatlarga quyidagilar kiradi: ish tashlashlar, suv toshqinlari, yongʻinlar, zilzilalar va boshqa tabiiy ofatlar, pandemiyalar, epidemiyalar, urushlar, harbiy harakatlar, Oʻzbekiston Respublikasi yoki boshqa mamlakatlarning davlat organlari harakatlari, shuningdek, biror Tomonning ongli nazorati ostida boʻlmagan har qanday boshqa holatlar.

8.3. Tomonlarning birortasiga bevosita yoki bilvosita taʼsir koʻrsatadigan qonun hujjatlari yoki normativ hujjatlardagi oʻzgartirishlar fors-major holatlari hisoblanmaydi, biroq Tomonlardan birortasiga ushbu Ofertada belgilangan majburiyatlarini bajarish imkonini bermaydigan oʻzgartirishlar kiritilgan taqdirda, Tomonlar ushbu Ofertani amalga oshirishda davom etishlarini taʼminlash uchun muammoni bartaraf etish boʻyicha darhol qaror qabul qilishlari shart.

8.4. Xabar beruvchi Tomon yengib boʻlmaydigan kuchlar holatlari yuzaga kelganini bilgan paytdan boshlab Tomonlar 3 (uch) ish kunidan kechiktirmay bir-birini xabardor qilishi shart. Tomonlar bunday bildirishnomalarni maʼlumotlarni (hujjatlarni) joʻnatish va qabul qilish toʻgʻrisidagi faktni qayd etish imkonini beradigan faksimile, elektron yoki boshqa aloqa vositalari orqali yuboradi. Yengib boʻlmaydigan kuchlar holatlari yuzaga kelganligi haqidagi xabarga vakolatli organning bunday holatlar mavjudligini tasdiqlovchi guvohnomasi/hujjati ilova qilinishi kerak.

8.5. Agar yengib boʻlmaydigan kuchlar holatlari bir oydan ortiq davom etsa, Tomonlar (oʻzaro daʼvolarsiz) shartnomani bekor qilish yoki uning amal qilishini toʻxtatib turish toʻgʻrisida qaror qabul qilish huquqiga ega.

IX. KELISHMOVCHILIKLARNI HAL QILISH

9.1. Ushbu Ofertada belgilangan majburiyatlarni bajarmaslik yoki lozim darajada bajarmaslik bilan bogʻliq barcha kelishmovchiliklarni Tomonlar muzokaralar yoʻli bilan hal etishga harakat qiladi.

9.2. Muzokaralar yoʻli bilan kelishuvga erishilmagan taqdirda, nizolar Oʻzbekiston Respublikasi qonun hujjatlariga muvofiq Jamiyat joylashgan (roʻyxatga olingan) joyda sud tartibida hal qilinadi.

X. BOSHQA SHARTLAR

10.1. Ofertaning biron-bir qoidasi yoki qoidaning biror qismi haqiqiy emas yoki yuridik kuchga ega emas deb topilgan taqdirda, Ofertaning qolgan qoidalari va qoida qismlari toʻliq kuchda qoladi.

10.2. Ushbu Ofertaning barcha ilovalari uning ajralmas qismi hisoblanadi.

10.3. Tomonlar qolgan barcha masalalarda Oʻzbekiston Respublikasi qonunchiligiga amal qilishga kelishib oladi.

10.4. Jamiyat hamma narsaga, jumladan, mulohazalarga boʻlgan barcha eksklyuziv huquqlarni (barcha intellektual mulk huquqlarini) oʻzida saqlab qoladi va Foydalanuvchi ularni nashr etish, reklama qilish, targʻib qilish, nusxalash, qisman nusxalash, havola qilish, sotib olish, foydalanish, birlashtirish yoki boshqacha tarzda foydalanish huquqiga ega boʻlmaydi.

10.5. Tomonlardan hech biri ikkinchi tomonning yozma roziligisiz oʻz huquq va majburiyatlarini uchinchi shaxsga oʻtkaza olmaydi.

10.6. Ushbu Oferta o‘zbek tilida yozilgan. Agar uning boshqa tildagi biror tarjimasi o‘zbek tilidagi versiyasiga zid boʻlsa, o‘zbek tilidagi versiya ustuvorlikni saqlab qoladi.

10.7. Ofertada koʻzda tutilmagan boshqa barcha holatlarda Oʻzbekiston Respublikasi qonunchiligi shartlari qoʻllanadi.

XI. SHAXSIY MAʼLUMOTLARNI QAYTA ISHLASH

11.1. Ushbu ofertani qabul qilish orqali Foydalanuvchi oʻz roziligini bildiradi va Jamiyatga shaxsiy maʼlumotlarini, jumladan, familiyasi, ismi, otasining ismi, tugʻilgan sanasi, jinsi, ish joyi va lavozimi, pochta manzili, uy, ish, mobil telefonlari, elektron pochta manzilini qayta ishlashga, shuningdek, shaxsiy maʼlumotlarni Oʻzbekiston Respublikasi hududida toʻplash, tizimlashtirish, saqlash, aniqlashtirish (yangilash, oʻzgartirish), ishlatish, tarqatish, uzatish, shaxsiy javobgarligini yoʻqotish, blokirovka qilish, yoʻq qilish, xizmatlar sifatini oshirishga qaratilgan tadqiqotlar, marketing dasturlari, statistik tadqiqotlar oʻtkazish, shuningdek, xaridor bilan turli xil aloqa vositalaridan (pochta joʻnatmalari, elektron pochta, telefon, faks, internet kabilar) foydalangan holda toʻgʻridan toʻgʻri aloqa oʻrnatish orqali xizmatlarni bozorda targʻib qilish uchun maʼlumotlarni keyinchalik qayta ishlash (toʻplash, tizimlashtirish, saqlash, aniqlashtirish (yangilash, oʻzgartirish) foydalanish, Oʻzbekiston Respublikasi hududida tarqatish, shaxsiy javobgarligini yoʻqotish, blokirovka qilish, yoʻq qilish maqsadida Jamiyat kontragentlariga oʻtkazish uchun ruxsat beradi.

11.2. Shaxsiy maʼlumotlarni qayta ishlash jarayonida quyidagi harakatlar amalga oshiriladi: yigʻish, qayd etish, tizimlashtirish, toʻplash, saqlash, aniqlashtirish (yangilash, oʻzgartirish), koʻchirish, foydalanish, uzatish (taqdim etish, kirish), bloklash, oʻchirish va yoʻq qilish.

11.3. Jamiyat Foydalanuvchining shaxsiy maʼlumotlaridan uni identifikatsiya qilish, Oferta shartlarini bajarish, roʻyxatdan oʻtish va/yoki avtorizatsiya qilish, toʻlov tafsilotlarini aniqlashtirish, shaxsiylashtirilgan xizmatlarni, Foydalanuvchi bilan aloqa oʻrnatish, arizalar va soʻrovlarni qayta ishlash, statistik tadqiqotlar oʻtkazish va Foydalanuvchiga koʻrsatiladigan xizmatlar sifatini yaxshilash uchun foydalanishi mumkin.

11.4. Foydalanuvchi telefon aloqa vositalari, jumladan, SMS, elektron pochta yoki boshqa aloqa vositalari orqali Jamiyat mahsulotlari haqidagi reklama maʼlumotlarini olishga rozilik beradi.

JAMIYAT:

“Mutolaaxona” MCHJ
Manzil: Toshkent shahri, Mirzo Ulugʻbek tumani, Mustaqillik koʻchasi, 7-uy.
Hisobraqam: 2020 8000 0057 1013 4001
Xalq bankining Mirobod tumani filiali, bank kodi 01125
STIR: 310876899.

Ommaviy oferta matnini diqqat bilan oʻqib chiqing, agar ofertaning biror bandi sizga maʼqul kelmasa, rad etish va ushbu Ofertada koʻrsatilgan harakatlarni bajarmaslik huquqiga egasiz.