📚 Mutolaa’da 10 million kitob oʻqildi!

Atigi bir yil ichida “Mutolaa” ilovasi kitobsevarlar hayotining ajralmas qismiga aylanib ulgurganini faxr bilan aytishimiz mumkin. Ilova ishga tushirilganidan buyon qisqa vaqt o‘tgan bo‘lsa-da, foydalanuvchilar tomonidan o‘qilgan kitoblar soni 10 milliondan oshdi.

📖 Har bir o‘qilgan kitob — bu yangi dunyo, yangi tafakkur va yangi his.
Bu raqam oddiy statistik ko‘rsatkich emas, balki millionlab qalblar bilim, ma’rifat va ilhom bilan to‘lgani, minglab yangi g‘oyalar tug‘ilgani, yuzlab hayotlar o‘zgarganidan darak beradi.

 

Hozirgi kunda ilova oʻzida 3 milliondan ortiq kitobxonlarni va minglab sara kitoblarni jamlashga ulgurdi.

 

⭐️ “Mutolaa” nafaqat kitob o‘qish, balki zamonaviy texnologiyalar yordamida kitobxonlikni yanada qiziqarli va qulay qilishni maqsad qilgan. Ilova orqali istalgan kitobni tanlash, uni elektron tarzda mutolaa qilish yoki audio formatda tinglash imkoniyati mavjud.

 

Bu qisqa muddatda erishilgan yutuqlar “Mutolaa” ilovasining kitobsevarlar uchun qanchalik zarurligini ko‘rsatadi. Chunki bu platforma endi shunchaki ilova emas, balki kitobxonlik madaniyatini keng yoyuvchi harakat bo‘lib bormoqda.

 

🔥 Endi esa navbatdagi katta marraga intilamiz — 100 million kitob o‘qilishi!
Bu nafaqat “Mutolaa” jamoasi, balki barcha kitobsevarlarning orzusi. Zero, har bir o‘qilgan kitob — inson hayotiga nur olib kiruvchi chiroqdir.

 

— Ushbu marraga ham birgalikda erishamizmi?

👉 Hali “Mutolaa” ilovasini yuklab olmagan bo‘lsangiz, hoziroq yuklab oling va siz ham bu ulkan kitobxonlik safarining bir qismiga aylaning!