Abu Mansur Moturidiy sunniy eʼtiqodidagi ikki yirik taʼlimotlardan biri boʻlmish moturidiya taʼlimotining asoschisidir. Bu zot oʻz davrining islomiy ilmlari sohasida eng yetuk bilim sohibi hisoblanib, musulmon dunyosi olimlari tomonidan tan olingan va hozirda ham turli diniy asarlarda zoʻr ehtirom bilan tilga olinadi. Moturidiyni “Imom al-huda” – “Hidoyat yoʻli imomi” nomi bilan ulugʻlaganlar. Ushbu kitobda Imom Moturidiy hamda uning ilmiy-ijodiy faoliyati xususida soʻz boradi. Risola keng oʻquvchilar ommasi uchun moʻljallangan.