Urush va tinchlik

Bu kitob faqat urush yoxud tinchlik haqida emas. Unda mavzular qamrovi – odamlar qismati, ularning taqdiri, oʻylari, qarashlari va ayni paytda boʻlayotgan jarayonga munosabati kitobxon eʼtiboridan chetda qolmaydi. Qolaversa, mutolaa jarayonida qalbingizga yaqin boʻlib qolgan yoxud jamiyatda qanday mavqega ega boʻlishdan qatʼiy nazar urushni oʻzining taqdiri bilan bogʻlagan va boʻlayotgan voqealarga faol munosabat bildirayotgan qahramonlar qismati sizga favqulotda hodisa emas, balki oʻz erki, oʻz nomusi uchun kurashayotgan timsol sifatida gavdalanadi. Andrey Bolkonskiy, Per Bezuxov, Nikolay Rostov, Natasha, Sonya, Mari – ular bilan uzoq muddat oʻzingizni hamfikr, yoʻldosh, hamsuhbatdek his qilasiz.