Bu asarda bilim olish va dono ajdodlarga munosib boʻlish, ularning ezgu ishlarini davom ettirish gʻoyasi ilgari suriladi. Ulugʻbek bolalikdan isteʼdodli farzand sifatida bobosining taʼsiri ostida odobli, bilimli bola boʻlib ulgʻayadi va taqdir sinoati bilan oʻzga olamlarga sayr-u sayohatga chiqadi. Ularning taʼsirida yanada bilimdon boʻlib yetishadi, oʻz zamonida tengdoshlarini ezgu maqsadlari ortidan ergashtirib, xayrli ishlarga qoʻl uradi. Asar kutilmagan vaziyatlarga boy boʻlib, oʻquvchida oʻzgacha havas va ishtiyoq uygʻotadi.