Tarixi Muhammadiy

Islom tarixi va janob Payg‘ambarimiz Muhammad sallollohu alayhi vasallamning hayotlari va faoliyatlari to‘g‘risida hozirgacha arab, fors, turk va boshqa sharq va g‘arb tillarida juda ko‘plab asarlar yozilgan. Lekin Alixonto‘ra Sog‘uniyning ushbu asari ularning xulosasi bo‘lishi bilan birga, ma’lumotlarining ishonchli manbalardan olinganligi, har bir tarixiy voqea bayonidan keyin muallifning unga nisbatan o‘z fikr-mulohazalarini ibratli ravishda izhor etganlari va asarga imkoni boricha badiiylik kiritib har qanday kitobxonni o‘ziga rom etishi bilan alohida ahamiyat kasb etadi. Ushbu ajoyib kitobning audio shakli ham sizlarga manzur bo‘lishiga, hamda Islom tarixi va Payg‘ambarimiz (s.a.v.) siyratlariga oid ilmingizni ziyoda qilishiga shubha qilmaymiz.