Shunday asarlar borki, bir oʻtirishda oʻqib chiqiladi. Oʻzbekiston xalq yozuvchisi qalamiga mansub “Sevgim-sevgilim” qissasi ham ana shunday asarlar qatoriga kiradi. Kitobxon qoʻliga kitobni olar ekan, uni bir nafasda qanday oʻqib chiqqanligini ham sezmay qoladi. Bundan tashqari, asar tili ham sodda boʻlib, oʻquvchini zeriktirmay, oʻz dunyosiga olib ketadi. U dunyoda esa insonning muhabbati birgina qaltis ishonchsizligi oqibatida oʻz sevgilisining qurbon boʻlishiga sababchi boʻladi.