Jahon adabiyotining yirik siymosi Lev Nikolayevich Tolstoyning koʻpchilikka tanish boʻlmagan “Sergiy ota” qissasi yozuvchi umrining oxirgi yillarida yaratilgan. Muallif oʻz asarida, boshqa koʻplab asarlarida boʻlganiday, ideal tanlashdagi xatolikning oqibatini juda ishonchli ochib beradi. Bosh qahramon qismati orqali oʻz ichki mayllarini yengolmaslik, imkoniyatlariga ortiqcha baho berish, hayot zarbalariga qasdma-qasd unga qarshi zarba berishga urinish odamni qay koʻyga solishi oʻzining teran badiiy ifodasini topadi. Buyuk yozuvchining ushbu yangi asari Sizni befarq qoldirmaydi.