Senyor Prezident

"Migel Anxel Asturias (1899 – 1974) gvatemalik yozuvçi, Nobel mukofoti laureati, Yangi Lotin Amerikasi adabiyotining asosçilaridan biri hisoblanadi. Adib milliy mustaqillik ğoyalarining faol tarğibotçisi sifatida katta şuhrat qozongan. Uning “Gvatemala afsonalari”, “Makkajöxori odamlari”, “Dovul”, “Marhumlarning közlari” romanlari butun dunyoga maşhur. Doimo haqiqatni yozgan hur fikrli adib qattiq taʼqiblar ostida yaşaydi: uni Vatanidan quvğin qiladilar, kitoblari, qölyozmalarini yondiradilar, ammo adibning mustahkam irodasini buka olmaydilar. 1946-yilda eʼlon qilingan “Senyor Prezident” romani ham jahondagi juda köp tillarga tarjima qilingan. Unda mustabid tuzum hukmronligi va zöravonlikdan aziyat çekkan butun bir xalqning fojiali hayoti katta mahorat bilan yoritib berilgan. Öz hukmronligini fuqarolarning yuragiga vahima va qörquv soliş orqali örnatgan zöravon hukmdor hamda yugurdaklarning insoniylikka zid tubanlik qiyofasi asarda yorqin badiiy böyoqlarda körsatiladi. Muallif boşqa asarlari kabi bu romanida ham Xalq oğzaki ijodi va mifologiyasiga xos anʼanalarni realistik tasvirlar bilan omuxta qila olgan. Şu tufayli asar katta qiziqiş, zavq va hayajon bilan öqiladi."