Bu ertak kichkintoylarga bosh ko‘kka etganda ham oyoq erdan uzilmasligi kerakligini targ‘ib qiladi. Manmansirash, birovni mensimaslik noto‘g‘ri ekanligi, do‘stlar bilan hamjihat bo‘lgandagina yanada kuchli bo‘lish mumkinligini uqtiradi. Ertakni O‘zbekiston xalq artisti Jo‘ra Tojiev o‘qigan.O‘ziga ishongan, o‘zini zo‘r deb bilgan qirg‘ovul muz ustida ketayotib toyib ketibdi va tumshug‘i muzga tegibdi. U shu zahoti muzni koyiy boshlabdi. “Sen muz, nega tumshug‘imni mayib qilding? O‘zingni shunchalik kuchli deb bilyapsanmi?”, deya o‘dag‘aylabdi. Muz: “Aslo unday emas, aks holda quyosh meni eritib yubormagan bo‘lardi”, debdi. Qirg‘ovul hayron bo‘lib quyosh yoniga boribdi. “Nima, sen o‘zingni kuchliman deyapsanmi,a?”, debdi.