XX asrning yirik ijodkorlaridan biri, atoqli rus shoiri Vladimir Mayakovskiyning sheʼrlarini hozirgi kunda ham oʻzbek sheʼriyat ixlosmandlari sevib-suyib mutolaa qilishadi. Zotan, uning sheʼrlari otashin misralarga toʻla, satrlarida qizgʻinlik, kuchli ehtiros yaqqol koʻzga tashlanadi. Shunday ekan, Mayakovskiyning mahoratli va hassos tarjimonlarimiz tomonidan nozik did va nafosat ila oʻzbekchalashtirilgan sheʼrlarini oʻqir ekansiz, qalbingizda shoirning koʻngil iztiroblari uygʻonadi, koʻngil yaratiqlaridan yorqin taassurot qoladi. Mazkur toʻplamga Vladimir Vladimirovich Mayakovskiy ijodining turli bosqichlaridagi qalb ixtirolari – sheʼrlari va dostonlari jamlangan boʻlib, ular, shubhasiz, kitobxon botinida burilish yasaydi.