Bu dunyoda hamma narsa omonat. Inson hayoti ham. Shuning uchun Tangri taolo bandalarini bir-biriga mehrli, oqibatli, koʻmakdosh boʻlishga buyurgan. Odam bolasi bu hikmatni umri boʻyi koʻp eshitadi. Biroq hamma uni anglab yetmaydi. Anglab yetishi uchun inson, biror marta boʻlsin, ajal bilan yuzma-yuz kelishi kerak, chamasi. Shunda u hayot degan buyuk neʼmatning, insonning, tinchlikning qadriga yetishga urinadi, oʻrganadi, balki. Qulman Ochilning ushbu kitobidan joy olgan turli mavzudagi esselarini oʻqib, dilingiz yorishib, odamga va olamga mehringiz yanada tovlanib ketadi.