Oliver Tvistning boshidan kechirganlari

Angliyaning ovloq shaharlaridan biridagi “Mehnat uyi” – “Gʻaribxona”. Taqdir taqozosi bilan buyerga ‎kelib qolgan yosh va ko‘hlikkina juvonning shu mudhish dargohda ko‘zi yoridi. Bola dunyoga keldi-yu, ‎ona esa olamdan o‘tdi.‎ Sho‘rpeshona go‘dak muhtojlik va qiynoqlar ostida o‘n yoshga to‘ldi. Uni tobutsozga shogirtlikka ‎berdilar. Bola bu yerdagi azob-uqubatlar, haqoratlarga dosh berolmay, boshi oqqan tomonga qarab ‎qochdi.‎ Mana katta London yo‘li. Tuguncha ko‘targan, ust-boshi yupin, boshida homiysi, bisotida sariq chaqasi ‎yo‘q so‘qqa bosh, qiltiriq bolakay ketib boryapti…‎