Kinoya obyektga chetdan turib nazar tashlash natijasida yuzaga keladi. Boshqacha aytganda, kinoya obyektga chetdan, tashqaridan baho berish vositasidir. Ushbu hikoyada ham artistlikka moyil, vaziyatga qarab turli rollarni ongli ravishda o‘ynay oladigan, atrofdagilar xatti-harakati, ruhiyatini boshqara olishga qodir qahramon siymosiga yozuvchi tilidan chetdan turib kinoyali tavsif beriladi.