“Mushuklar saltanati” bashorat etuvchi asar boʻlib, unda 20–30-yillarda bir necha mamlakatlarga zoʻrma-zoʻraki joriy qilingan dunyoqarash jamiyat va odamlar hayotini ostin-ustun qilganligi mohirona tasvirlanadi. Tabiiy tarzda rivojlanayotgan jamiyatga sunʼiy aralashishlar oqibati xalqning kelajagiga xavf soladi. Roman esa aynan mana shu sunʼiy zoʻravonlikdan soʻng vujudga kelgan “Mushuklar saltanati” va uning inqirozi tafsilotlarini ishonarli tilda yoritadi.