“Musallas mamlakati” Xitoy kommunistik partiyasini qora boʻyoqlarda koʻrsatuvchi asar sifatida qaraladi. Asar avvalida sogʻlom fikrli tergovchi obrazi mazkur qabihliklar, insoniylikka zid yuqori tabaqa vakillari ishlarini fosh qilishga bel bogʻlaydi. Ammo asar davomida rahbar shaxslar bilan musallasxoʻrlikka sherik boʻlgan bu shaxs ham botqoqqa asta-sekin bota boshlaydi. Qahramon shaxtadagi asosiy missiyasi nima ekanligini bora-bora yoddan chiqaradi. Tergovchi ham oqibatda oʻzining madaniyat haqidagi meʼyoriy tushunchalarining bu yerda hech qanday ahamiyat kasb etmasligini, oʻzining tashrifi esa bemaʼni hamda kulguli ekanligini anglay boshlaydi. Asar soʻngida uning fojiali vafoti tasvirida yozuvchi aytmoqchi boʻlgan maʼno oydinlashadi.