Sizga taqdim etilayotgan “Manas” eposi jahonga mashhur asarlardan, hajman eng yirik doston sanaladi. Oʻzbeklar bilan bir daryodan suv ichib, bir yaylovda chorva boqib, bir dalada ekin yetishtirib kelayotgan qardosh qirgʻiz xalqining ushbu muazzam dostoni oʻz mazmun-mohiyati bilan ikki el oʻrtasidagi doʻstlikni, inoqlikni yanada jipslashtirishga xizmat qiladi, deb ishonamiz.