Tarixiy voqealarni o’quvchi nigohida jonlantirib namoyon etishning mohir san’atkori bo’lgan Mirkarim Osimning “Karvon yo’llarida” qissasi Temuriylardan keyingi davrlarda hukmronlik qilgan muhtasham Buxoro xoni Abdullaxon davridagi siyosiy jarayonlarni badiiy asar qalami yordamida yoritib beradi. Siyosiy maydon tegrasida kechgan qaltis o’yinlar, saroy va hukumat kirdikorlari, yaxshilik va yomonlik o’rtasidagi ayovsiz kurash hech bir kitobxonning e’tiboridan chetda qolib ketmaydi. Go’zalligi bois barcha xonlar va elchilar orasida tilga tushgan Zahroning ayanchli qismati sizni junbushga keltirmasdan qolmaydi. Saroy va xonlar hayoti, uning izmiga tushgan yoki qaysidiri nuqtasi bilan bog’lanib qolgan insonlarning hayotlari bir tekisda kechmasligi hammaga ayondir. Shu sababli tarixning yana bir sahifasini hikoya qiluvchi ushbu qissa siz uchun maroqli mutolaa qilinadigan asarlar qatoriga kiradi, degan umiddamiz.