Ityurak

Mixail Bulgakov rus klassik adabiyotida salmoqli iz qoldirgan adiblardandir. Adibning şoh satira asari bölmiş “Ityurak” qissasi 1927-yili yozilgan. Qissa öz mohiyat-e’tibori bilan fantastik motiv asosiga qurilgan. Butun Yevropaga nomi çiqqan mağrur va uluğvor professor Preobrajenskiy odamzodni yanada takomillaştiriş maqsadida itning miyasi örniga inson miyasini köçirib ötqazadi. Takabbur olimning bu qaltis tajribasi mohiyatan ma’naviyasizlik va odamzod hamda tabiat ustidan qilingan zöravonlikdan iborat ekanligi tufayli inqirozga yuz tutadi. Oxir-oqibatda professorning özi bunyod etgan çala odam – çala it – Şarikov öz egasining boşiga malomat toşlarini yoğdiradi. M. Bulgakov asarda fantastikaga moyilligiga qaramay, inqilobdan keyingi jamiyat hayotidagi kamçiliklarni ayovsiz satira tiği ostiga oladi, özining boy hayotiy tajribasi va kuzatuvlaridan kelib çiqib, öşa davr “qiyofa”sini badiiy umumlaştiradi.