Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmitaning 2023-yil 13-iyuldagi 03-07/5278-raqamli xulosasi asosida tayyorlandi. Tarix barcha oʻtgan avlodlarning hayot madrasasidir. Tarix orqali tiriklar oʻzlari uchun manfaatli narsani oʻrganib, unga amal qiladilar hamda oʻzlariga zarar yetadigan narsalardan voqif boʻlib, undan chetda boʻladilar. Islom tarixi deganda, odatda, Islom davlatlari hamda musulmon xalqlarning vahiy nozil boʻlgan ilk davrdan boshlab hozirgi kungacha boʻlgan tarixi nazarda tutiladi. Ammo aslida ushbu tarix dunyo boshlanganidan to hozirgi, biz yashab turgan paytgacha boʻlgan davrni oʻz ichiga oladi. Zero, bu tarix ilk inson, ilk paygʻambar – Odam alayhissalomdan boshlanadi. Shayx Muhammad Sodiq Muhammad Yusuf hazratlarining ushbu asari Islom tarixining muxtasar bayoni boʻlib, muallifning soʻnggi kitoblaridan biridir.