Oʻzbek adabiyotining yirik tashkilotchilaridan biri Hamid Olimjonning qaynoq ijodiy hayoti xalqqa fidoyilarcha xizmat qilishning, uning boy ogʻzaki va yozma madaniyatini eʼzozlashning goʻzal namunasidir. Shu maʼnoda otashin shoir va jamoat arbobining sermazmun hayoti va ijodi sahifalari bilan tanishish, ayniqsa, mustaqillik davrida tugʻilib ulgʻayib borayotgan avlodlar uchun maroqli boʻlishi shubha uygʻotmaydi. Siz, hurmatli kitobxonlar qoʻlidagi maʼrifiy-biografik roman Hamid Olimjon zamondoshlarining xotiralari va arxiv hujjatlari asosida yozilgan.