“Graf Monte-Kristo” keng kitobxonlar eʼtiborini qozongan asardir. Unda insoniylik, shaxs erkinligi va tuygʻular goʻzalligi ulugʻlanadi. Qingʻir ishning qiyigʻi qirq yildan keyin boʻlsa-da chiqishi oʻz ifodasini topadi. Qahramonlar oʻrtasidagi mehr-oqibat va ziddiyatlar muallifning nihoyatda kuzatuvchan va mohirligini namoyon etadi. Asar bosh qahramoni Edmon Dantes – Monte-Kristo razolat botqogʻiga botgan insonlarni zoʻr matonat, aql-idrok bilan fosh etadi. Jazo ham, mukofot ham Allohning irodasi bilan inson tirikligidayoq uni benasib qoldirmasligi roman nihoyasida aksini topadi. Faqat buning uchun... Graf taʼkidlaganidek, “kutmoq va umid qilmoq kerak”.