Lev Tolstoy «prozadagi Pushkin» deya ta’riflagan rus adibi Anton Chexov nasrning deyarli barcha janrlarida ijod qildi. Lekin yozuvchi dahosi uning hikoyalarida bus-butun namoyon bo‘ladi. A.Chexovning «Garov» hikoyasida keksa bankir bilan bahs boglagan 25 yoshli huquqshunosning tanholikda kechirgan 15 yillik hayoti aks ettirilgan. «O‘n besh yil chillada o‘tirgan, kitoblar ummonida suzgan, musiqaning lojuvard osmonida sayr etgan, jism yukini ruh kuchiga aylantirgan huquqshunos kim edi-yu, kim bo‘ldi? U komillikka erishadi. Yolgʼon dunyo so‘qmoqlarida keza-keza asl haqiqatni topadi».