“Dúnyanıń isleri” Ótkir Hoshimov qálemine tiyisli memuar povest. Shıǵarma úlken-kishi gúrrińlerden ibarat. Shıǵarmadaǵı janlı hám turmıslıq súwretlewler, qaharmanlar arasındaǵı sáwbetler oqıw tásirin kúsheytedi. Shıǵarma jazıwshınıń balalıq dáwirindegi waqıyaları tiykarında qurılǵan. Sovet dáwirindegi ápiwayı awıl shańaraqları, adamlardıń turmıs tárizi jazıwshınıń anası menen úylestirilip súwretlengen. Ótkir Hoshimov usı kishi shıǵarmasında da dúnyanıń islerin jámlestirgen. Ózbekstan xalıq jazıwshısı Said Ahmad povestti bılayınsha táriyplegen: "Dúnyanıń isleri shıǵarmasın povest emes, dástan dep atawdı qáler edim. Ol qosıqtay oqıladı. Onı oqıp atırıp, óz analarımızdı oylap ketemiz. Usı mehriyban, japakesh analarımız aldındaǵı ómir boyı ótep bolmaytuǵın qarızlarımızdıń hesh bolmasa birewin óte aldıq pa, degen bir oy, bir soraw kóz aldımızda kóldeneń turadı. Povest bizdi insapqa, insandı qádirlewge, húrmet etiwge shaqıradı."