"Insonni asrash, qadr-qiymatini saqlash, barchaga teng huquqlar berish gʻoyalari bilan sugʻorilgan roman va uning muallifi har qancha eʼzozga loyiqdir. Shuni inobatga olib, Boris Pasternakning “Doktor Jivago” romanini oʻzbek tiliga tarjima qilishga jazm etdim. Romanning oʻn yettinchi qismidagi Yuriy Jivago sheʼrlarini shoir Muhammadali Qoʻshmoqov oʻzbek tiliga tarjima qilib berdi. Oʻylaymizki, “Doktor Jivago” romani bilan tanishgan oʻzbek kitobxonlari chinakam isteʼdod egalariga muayyan erkinlik berilganda, badiiy adabiyotdagi realistik ijodiy metodi naqadar goʻzal va yoʻqsak samaralarga olib kelishi mumkinligiga iqror boʻladilar."