Çordoq hikoyalari

“Anna Frank kundaligi” – jahon adabiyotidagi eng maşhur kundalik-asarlardan biri bölib, unda yoş yahudiy qiz – Annaning Ikkinçi jahon uruşi davrida ötgan ikki yillik yaşirinişdagi hayoti tasvirlangan. “Anna Frank kundaligi” şu paytgaça yetmişdan ortiq tillarga tarjima qilingan va öttiz milliondan oşiq nusxada çop etilgan. Şuningdek, uşbu kitob jahon adabiyotida “Injil”dan keyin eng köp mutolaa qilingan nobadiiy asar hisoblanadi. “Anna Frank kundaligi” juda köplab naşrlar tomonidan XX asrning eng yaxşi kitoblari önligida eʼtirof etilgan. Uşbu kundalik asosida bir neça sahna asarlari va filmlar suratga olingan. Anna yaşiringan uy esa 1960-yilda uning nomidagi muzeyga aylantirilgan. Kitob maktub holida yozilgan bölib, unda ösmir qiz Annaning içki keçinmalari, dunyoga qanday nazar bilan boqişi aks etadi. Kitobni öqir ekansiz, qanday qilib şöx-şodon, özini gapirişdan tiyolmaydigan qizaloqning ikki yil davomida taşqi duyodan yiroqda, öz tuyğulari oğuşida hayot keçirganini bilib olasiz. Kundalikka Kitti deya nom bergan Anna uni eng yaqin dösti sifatida qabul qiladi va bor öy-xayollarini u bilan bölişadi.