“Bola - odobi bilan aziz” kitobida bolalar odob-axloqi haqida juda kerakli maʼlumotlar berilgan. Misol uchun, uyda va maktabda oʻzini qanday tutish lozimligi, koʻchada yurish odoblari, ota-onaga, ustozlarga, qarindoshlarga qanday muomala qilish haqida muhim yoʻl-yoʻriqlar koʻrsatilgan. Shuningdek, bu kitobdan bolalarning dunyoqarashini kengaytiradigan qiziq mavzular va ibratli hikoyalar ham oʻrin olgan.     Sevikli farzandlarimiz bu kitobni oʻqib, hayotning mohiyatini yaxshiroq anglab yetadilar, odob-axloq qoidalarini oʻrganadilar, insonlarga ham, atrof-muhit va xayvonot olamiga xam birdek yaxshi munosabatda boʻlish naqadar muhimligini bilib oladilar.