Birinçi muallim

… Şu qöşterak qad kötarib turgan joyni ovuldagilar nima uçundir “Duyşenning maktabi” deyişardi. Birortasining moli yöqolib: “Hoy falonçi, ğunajinimni kördingmi?” — deb sörasa, töxtab unga: “Hö, yuqoridagi “Duyşenning maktabida” yilqilar yuribdi, öşa yoqdan xabar olib kör”, — deb javob berişardi. Kattalarga taqlid qilib biz ham: “Yuringlar, Duyşenning maktabiga ketdik, terakka çiqib çumçuq haydaymiz”, — der edik. Bir vaqtlar öşa tepada maktab bor ekan. Bizning zamonamizda bu maktabdan asar ham qolmaganu, lekin qöşterakli tepaning nomi xalq oğzidan tuşgan emas. Bolalik çoğimda bu maktab örnini xöp qidirib ham körganman. Keyinçalik: “Nimaga “Duyşenning maktabi” deyişadi, Duyşen özi kim?” — deb qariyalardan suriştirsam, bu savolimga ular heç qiziği yöq, ançayin gapday qöl siltab javob qilişardi: “Kim bölardi, şu yurgan oqsoq-qöy (uruğning nomi) Duyşen-da. Öşa hurriyatdan keyin hö anavi tepada eski bir molxona bölardi. Duyşen “komsomol böldim”, — deb öşa yerda maktab oçib, bola öqitgan. Hozir u maktabdan bir parça guvala ham qolmagan, ilgari nomi yöq tepa edi. Endi “Duyşenning maktabi” degan nom oldi…”