Yamoqchi Oʻzining maftunkor sehri, tuganmas shukuhi, dilni rom etuvchi jozibasi bilan hamisha qanotlanib turuvchi xalq ertaklari inson xayolotining mevasidir. Kishilar oʻz qismatining chigalliklarini yechishga ojiz qolgan chogʻlarda ertak uni nurli qanotlarida umidli manzillarga koʻtarib oʻtgan. Bashariyat hali zulmat qoʻynida najot yoʻllarini qidirib, asrlar mobaynida kimsasiz taqdir soʻqmoqlarida tentirab yurgan onlarda ertaklar uni xayolot qanotida ziyobaxsh sohillarga eltgan. “Yamoqchi” deb nomlangan oʻzbek xalq ertagi ham aslida ana shunday ezgu orzular mahsulidir. Tinglang va siz ham yorugʻ tuygʻularga sherik boʻling!
