Imom Ismoil al-Buxoriy islom olamida eng ulugʻ martabada turuvchi buyuk olimdir. Uning shoh asari — “Al-jomeʼ as-sahih” dinimizning muqaddas kitobi Qurʼoni karimdan keyin turuvchi eng ishonchli manbadir. Olimning boshqa asarlari ham oʻzining ilmiy qiymati bilan bugungacha qadrlanib keladi. Bundan tashqari, uning ilm olish yoʻlidagi hayratlanarli hayot yoʻli, ayniqsa, bugungi yosh avlod uchun ibratdir. Ushbu kitobda Imom Buxoriy hamda uning ilmiy-ijodiy faoliyati xususida soʻz boradi. Risola keng oʻquvchilar ommasi uchun moʻljallangan.