Abu Nasr Forobiy jahon madaniyatiga katta hissa qoʻshgan Markaziy osiyolik mashhur faylasuf, qomusiy olim. Oʻrta asrning bir qancha ilmiy yutuqlari, umuman, Yaqin va Oʻrta Sharq mamlakatlarida taraqqiyparvar ijtimoiy-falsafiy tafakkur rivoji uning nomi bilan bogʻliq. Forobiy oʻz zamonasi ilmlarining barcha sohasini mukammal bilgani va bu ilmlar rivojiga hissa qoʻshgani, yunon falsafasini sharhlab, dunyoga keng tanitgani tufayli Sharq mamlakatlarida uning nomi ulugʻlanib, “Muallim as-soniy” – “Ikkinchi muallim” (Aristoteldan keyin) “Sharq Arastusi” deb yuritilgan. Ushbu kitobda Forobiy hamda uning ilmiy-ijodiy faoliyati xususida soʻz boradi. Risola keng oʻquvchilar ommasi uchun moʻljallangan.
