Mirzo Ulugʻbek – riyoziyot, falakiyot, musiqashunoslik va tarix ilmlari sohasida qalam tebratgan olim. “Toʻrt ulus tarixi” esa u yaratgan asarlar orasida alohida oʻrin tutadi. Ushbu asar 1425-yili yozilgan boʻlib, unda Odam Ato yaratilishidan tortib, islomdan avval oʻtgan paygʻambarlar, turklarning afsonaviy ota-bolalari hisoblangan Yofas ibn Nuh va uning farzandi Turkxon, shuningdek, turk-moʻgʻul qabilalari va Chingizxon tarixi yoritilgan.