Jazıwshınıń bul shıǵarması – haqıyqatında da insannıń tek ózine málim sır bolıp qalatuǵın jumbaqlı waqıyalardan turadı. Jigit hám qızdıń arasındaǵı muhabbat. Sezimler ummanına mantıqqan jas júrekler. Ayralıq. Eziliw. Kóz jaslar. Aradan kóp jıllar ótip shıǵarmanıń qaharmanı bolǵan jigit eresek jasqa tolǵan gezde bir jas qızdı jaqsı kórip qaladı. Toyı bolayın dep turǵanda anası qızın kóriw ushın qalaǵa keledi. Bolajaq kúyew balanı kórgende… Aspan astın-ústin bolıp ketedi. Ol – qızınıń ákesi. Onı tek biyshara anası biledi. Usı sırdı ózi menen alıp ketiw ushın ana kóp qabatlı úydiń aynasınan taslap óledi.