Roman, qissa va bir turkum hikoyadan tarkib topgan ushbu to‘plamni sog‘inch kitobi, qo‘msovlar kitobi desa bo‘ladi. Darvoqe, o‘tgan har bir lahza asli tarix, adabiyot esa asosan kechgan voqelik – holatlar, vaziyatlar, taqdirlar tasviri bilan ish ko‘radi. Nafsilamri, kechagi kunlar-u qilmish-qidirmishlardan qochib-bekinib yashab bo‘larmidi, ayting? Ammo muallif bunda o‘tmish umr sog‘inchi yoxud odatdagi qo‘msov – nostalgiyani maqsad qilgan emas, boshqa dard, muddaolar ham borki, kitobni o‘qiganda anglaysiz.