Hikoyalarning qahramoni Birbal – tarixiy shaxs. U XVI asrning ikkinchi yarmi va XVII asrning boshlarida Hindistonda hukmronlik qilgan shoh Akbar saroyida eng moʻtabar aʼyonlardan biri – bosh vazir boʻlib xizmat qilgan. Birbal haqidagi hikoyalar bilan tanishar ekanmiz, ularning anchagina qismi haqiqatan ham boʻlib oʻtgan qiziqarli voqealar, shoh Akbar bilan uning dono vaziri oʻrtasida yuz bergan hazil-mutoyibalar, shakarguftorliklar asosida yaratilganini kuzatamiz.