Inson miyasi, ongi, tafakkuri uning hayoti davomida berilgan eng yaxshi sovgʻa hisoblanadi. Odamning har kungi harakat faoliyati, qiladigan ishlarini bajarishda miyaning oʻrni beqiyos. Ayniqsa aqliy faoliyatni tafakkursiz bajarib boʻlmaydi. Stefan Sveygning "Shaxmat novellasi" asari yuqoridagi soʻzlarning isboti boʻla oladi. Ushbu asar faqatgina shaxmat oʻyini yoki uning partiyalari haqida emas. Ushbu asar tutqunlikdagi oddiy bir insonning tasavvuri qanchalik darajada kuchli ekanligi haqida, inson miyasining nimalarga qodirligi, uning bilish chegarasi haqida, insonning irodasi qanchalik kuchliligi haqida, qiyin paytlarda qanday yoʻllarni tutish kerakligi haqida.
