Tohir Malikning “Savohil” qissasida oktabr toʻntarishidan keyingi hayot, tuzum illatlari va insonlarning fojiali taqdiri tasvirlangan. Bosh qahramon shoir va yozuvchi Asadulla Miraʼlam oʻzining fidokorligi tufayli oilasidan, farzandlaridan ajraladi. Ayolining quchogʻida kuyib kulga aylangan farzandlarining tanasini koʻrgan qahramon uzoq vaqt oʻziga kelolmaydi. Ammo vatan oldidagi xizmat, hurlik uchun kurash va avlodlar oldidagi masʼuliyat uni yana oyoqqa turgʻazadi. Yoʻqotadigan hech narsasi qolmagan Asadulla topshiriq bilan uzoq safarga otlanadi va oʻzini yana qanday tahlikali kunlar, sinovlar kutayotganini bilmaydi.