Bir necha kunda millioner boʻlish mumkinmi? Shu bilan insonning istaklari poyoniga yetarmikan? Qoʻlingizdagi kitob – “Sarmoyador”ning bosh qahramoni Frenk Kaupervud koʻproq savqi tabiiysiga quloq tutib, bir necha kunda chindan boyib ketadi. Unda oʻsmirligidanoq atrofdagilar taʼsirida savdogar va birja oʻyinchisi ruhiyati shakllangandi. Tashabbuskor, iqtidorli va sergʻayrat yosh yigit asta-sekin hech qanday tamoyilni tan olmaydigan, oʻz hukmini oʻtkazuvchi ochkoʻz millionerga aylandi-qoldi. Ammo hayot bir tekis emas, uning uchun kutilmagan ogʻir sinovlar hali oldinda edi…