Maktab oʻquvchilari hayotiga bagʻishlangan mazkur qissa boʻlajak yozuvchi bola tilidan hikoya qilinadi. Sinfning ramziy va hayotiy qahramonini tanlagan oʻquvchilar u bilan uchrashish uchun sinfning faol oʻquvchilaridan biri – qiziquvchan Sogʻindiqni masofa uzoq boʻlishiga qaramay, Moʻynoqqa yuborishadi. Aynan oʻsha qahramon bilan qayta va qayta uchrashsa-da, muddaosini aytolmagan Sogʻindiq talay sarguzashtlarni boshidan kechiradi. Mutolaa davomida oʻquvchi Sogʻindiqning hangomalaridan tabassum qiladi, qiyinchiliklaridan iztirob chekadi, safariga bevosita hamrohlik qiladi.