Mashhur adib Oʻlmas Umarbekovning “Qiyomat qarz” hikoyasi qahramoni Sarsonboy ota – oʻz ismiga munosib sarson-sargardon boʻlishga mahkum qahramon. Urush tufayli yakka-yu yagona oʻgʻlidan judo boʻlgan otaning gardaniga omonat yuki ham qoʻshilgan. Hikoyani oʻqir ekansiz, koʻz oldingizda Sarsonboy ota kabi asl oʻzbeklikni saqlab qolgan odamlar kelishi shubhasiz, ehtimol, aslida shunday insonlarning mavjudligi uchun ham biz bu dunyoda bemalol yashab yurgandirmiz…