Qoʻchqor Norqobilning “Qishdagi lola” qissasi urush mavzusida bitilgan asarlar sirasiga kiradi. Muallif ayni asarida urush dahshatlari, turli fojialar, inson yuragining ogʻriqlari bilan bir qatorda hayotda eng toza borliq – muhabbat mavjudligi hamda urush ichidagi muhabbat asar qahramoniga eng ogʻir damlarda kuch-quvvat, ishonch baxshida etadi, degan umidbaxsh fikrni olgʻa suradi.