Mashhur rus yozuvchisi I. S. Turgenevning oʻz davrida katta shuhrat qozongan ushbu “Otalar va bolalar” romani rus adabiyotshunosligida yozuvchi ijodining choʻqqisi sifatida talqin etiladi. Adib bosh qahramon Bazarov obrazida hurfikrlilik va yangilik sari intilish kabi fazilatlarni asarning asosiy g'oyasi sifatida talqin etadi. Kitobdagi voqealar oʻsha davrda chiriy boshlagan jamiyatni shunchaki isloh etish emas, balki poydevorini tagi-tugi bilan yoʻq qilib, yangisini barpo etish kerakligini koʼrsatib beradi. Turgenev Bazarovdagi nigilizmni (barcha narsalarni inkor qilish) tasvirlash orqali rus yoshlariga xos xarakterni ham namoyon etgan. Kattalarni hurmat, kichiklarni izzat qilishga oʻrgatuvchi ushbu asar mutolaasi kitobxonga zavq bag'ishlaydi degan umiddamiz.
