"Ushbu qissa yigirmanchi asrning yigirma va oʻttizinchi yillarida amalga oshirilgan kollektivlashtirish bilan bogʻliq jarayonlarni ochib bergan asar hisoblanib, yozuvchining boshqa asarlar singari ulkan mahoratini oʻzida mujassam etadi. Oddiy xalq vakili boʻlgan Obid ketmon – dindor boʻlgani holda taqvodorlikka daʼvo qilmaydi, dehqon boʻlib esa zamindorlikka talabgor emas. Bosh boʻlib, yoʻl koʻrsating, deb saylashganda ham odam ishlatib, rahbarlikni talab qilmaydi, aksincha, oʻzi oʻrnak boʻlib xalq bilan baravar mehnat qiladi. Obid ketmon obrazi oʻz maqsadida sobit turishi, mulohazakorligi, mehnatsevarligi, atrofidagi turli qarashlarga ega boʻlgan insonlarga shaxsiy namuna boʻlish orqali hurmat qozongan “qahramon” qiyofasida kitobxon qalbidan joy egallaydi."