Oʻzbekiston xalq yozuvchisi Togʻay Murodning “Momo yer qoʻshigʻi” qissasi 1985-yili bitilgan boʻlib, asar oʻz gʻoyasi, adabiy yoʻnalishi bilan yozuvchining boshqa qissalaridan ajralib turadi. Asarda milliy zamindan oyogʻi uzilgan, Vatan tuprogʻida yashab, yuragida yurt tuygʻusi boʻlmagan 80-yillar mafkura qurbonlari “qahramonlari” obrazlari Gʻarb adabiyoti sigʻindi bandasi boʻlib qolgan ijodkor – Pahlavon Daho misolida oʻzbekona kinoya orqali ochib beriladi. Asar koʻrk berib turgan Togʻay Murodcha til goʻzalligi, badiiy boʻyoqlar kitobxonni ham befarq qoldirmaydi.