Oʻzbekiston xalq yozuvchisi Isajon Sultonning “Maʼsuma” romani tariximizning “jadidlik” deb atalgan eng murakkab davri, vatanparvar ota-bobolarimizning yurt ozodligi va xalq hurriyati yoʻlidagi fidoyiligi, mamlakat ravnaqi yoʻlida amalga oshirgan ibratli ishlari hamda birinchi oʻzbek aktrisasi Maʼsuma Qoriyevaning fojiali taqdiri haqida hikoya qiladi. Ushbu asarni yurtimiz tarixidagi qora kunlarning zamonaviy talqini, milliy teatrimizning badiiy tarixi deb atasa boʻladi.