Kuntugʻmish – oʻzbek xalq dostoni. Doston XII asrgacha Turkiston va Talas atrofida yashagan turk-oʻgʻiz qabilalarining turli naql, afsona va tarixiy qoʻshiqlari zaminida, qadimiy oʻgʻiz epik anʼanalari asosida paydo boʻlgan. Dostonda noʻgʻoylar podshosi Avliyoyi Qoraxonning oʻgʻli bilan Zangar shahri vazirining qizi Xolbeka orasidagi sevgi hikoya etiladi. Dostonda zulm va haqsizlik qoralangan, sevgi, vafo, sadoqat va adolat ulugʻlangan.