“Kuchsizlar kuchi” asari sobiq SSSR kommunistik tuzumining mohiyatini, rejim hayoti va uning mafkuraviy maqsadlarini ochib beradi. Asarda gʻayriinsoniy tuzumlarda oʻzlikni saqlab qolish, sof hayotiy qadriyatlar asosida yashash shartlari, shuningdek, posttotalitar tuzumlarda oʻzlikni asrash koʻnikmalari taʼsirli misollar bilan yoritiladi. Asar kommunistik mafkura asoratlaridan xalos boʻlishda “siyosiy dekompressiya” qoidalariga rioya qilish hamda postsovet davlatlarining demokratik taraqqiyot yoʻliga tushib olishida muhim manba boʻlib hisoblanadi.
