"Judolik diyori" asarida oʻtgan asr oʻrtalarida xalqimiz boshiga tushgan ogʻir judoliklar, sinovlar, oʻzbek xalqining buyuk bardoshi, eng mashaqqatli damlarda ham oʻzligini saqlab qola olgani samimiyat bilan tasvirlangan. Shu bois asar kitobxonlar tomonidan iliq kutib olindi. Yozuvchi taqdir taqozosi bilan sarhad ortida qolgan Sultonmurod, Bahriddin va Margʻubabegim kabi qahramonlarining vatan va diydor sogʻinchlari bilan toʻla keyingi hayotlarini asarning uchinchi kitobida oʻsha samimiyat, oʻsha tiniqlik ila tasvirlaydi.