Jerom Selinjerning “Javdarzordagi xaloskor” romani 1945–1946 yillarda seriyali şaklda qisman naşr qilingan, 1951 yili alohida kitob bölib çiqqan. Asar köplab tillarga ögirilgan. Şu kungaça 65 million nusxada sotilgan. 2005 yili “Time” jurnali asarni 1923 yildan boşlab ingliz tilida yozilgan 100 ta eng yaxşi romanlar röyxatiga kiritgan. “Modern Library” naşriyoti esa romanni XX asrning 100 ta eng sara asarlari qatoridan joy olişga loyiq topgan. 2003 yil BBCning “The Big Read” (“Eng köp öqilgan”) sörovnomasida u 15-örinni egallagan. Asarda beparda sözlar köp uçragani bois bir qança mamlakatlarda, jumladan, AQŞ maktablarida ham keyinçalik tanqidga uçragan va uzoq yillar naşr etilişi taqiqlangan. “Javdarzordagi xaloskor” köp bora senzuraga uçragan bölişiga qaramay, AQŞ maktablarida eng köp öqitilgan asarlar röyxatida 2-örinda turadi (1-örinni Jon Steynbekning “Siçqonlar va odamlar haqida” novellasi egallagan). Asarning boş qahramoni Holden Kolfild ösmirlarning sarkaşligi, isyoni timsoliga aylanişga ulgurgan. Roman, şuningdek, maʼsumlik, asillik, özlik, yöqotiş, daxldorlik, intim va tuşkunlik kabi murakkab masalalarga ham tegib ötadi.